វ៉ាក់សាំងបង្រៀនរាងកាយរបស់អ្នកឱ្យប្រយុទ្ធនឹងជំងឺនេះ។
វ៉ាក់សាំង COVID-19 ផ្តល់ការណែនាំដល់រាងកាយរបស់អ្នក ដើម្បីស្វែងយល់ពីមេរោគកូរ៉ូណាវីរុសមានលក្ខណៈដូចម្តេច។ បន្ទាប់មករាងកាយរបស់អ្នកបំបែក និងបញ្ចេញវ៉ាក់សាំង។ ប្រសិនបើអ្នកកើតមានមេរោគនៅពេលក្រោយ រាងកាយរបស់អ្នកអាចស្គាល់វា ហើយវាយប្រហារវាភ្លាមៗ។ អ្នកទំនងជាមិនសូវឈឺធ្ងន់ធ្ងរទេ ដោយសាររាងកាយរបស់អ្នកបានត្រៀមរួចហើយ។
អ្នកមិនអាចកើតជំងឺ COVID-19 ពីវ៉ាក់សាំងទេ។
វ៉ាក់សាំងមិនមានផ្ទុកមេរោគកូរ៉ូណាវីរុសនៅរស់ទេ ដូច្នេះវាមិនអាចធ្វើឱ្យអ្នកកើតជំងឺនេះបានទេ។ បន្ទាប់ពីបានចាក់វ៉ាក់សំាង អ្នកអាចមានអារម្មណ៍អស់កម្លាំង ឈឺដៃ ឬក្តៅខ្លួនមួយថ្ងៃ ឬពីរថ្ងៃ។ នោះជារឿងធម្មតា — វាមានន័យថារាងកាយរបស់អ្នកកំពុងបង្កើតសមត្ថភាពការពារ។
វ៉ាក់សាំងពិតជាល្អក្នុងការបង្ការការពារជំងឺធ្ងន់ធ្ងរ។
ខណៈពេលដែលវ៉ាក់សាំងអាចមិនការពារអ្នកពីការឆ្លង វ៉ាក់សាំងទាំងនេះ អាចជួយសង្គ្រោះជីវិតអ្នក។ អ្នកដែលមានសុខភាពល្អគ្រប់វ័យអាចកើតមានរោគសញ្ញាធ្ងន់ធ្ងរ និងយូរអង្វែង ដោយមានប្រឈមហានិភ័យខ្ពស់បើអ្នករស់នៅជាមួយជំងឺធាត់ ទឹកនោមផ្អែម ឬលើសឈាម។ មនុស្សភាគច្រើនដែលទើបចូលពេទ្យថ្មីៗនេះ ដោយសារកើតជំងឺ COVID-19 មិនបានចាក់វ៉ាក់សាំងទេ។ ហើយប្រសិនបើអ្នកមានផ្ទុកមេរោគនេះរួចហើយ វ៉ាក់សាំងអាចជួយការពារអ្នកប្រសិនបើអ្នកឈឺម្តងទៀត។
វ៉ាក់សាំង COVID-19 ត្រូវបានធ្វើតេស្តយ៉ាងយកចិត្តទុកដាក់ដើម្បីសុវត្ថិភាព។
អ្នកស្ម័គ្រចិត្តរាប់ពាន់នាក់ដែលមានអាយុ ពូជសាសន៍ ជនជាតិ និងសហគមន៍ខុសៗគ្នាបានជួយក្រុមអ្នកស្រាវជ្រាវឱ្យប្រាកដថាវ៉ាក់សាំងមានសុវត្ថិភាពសម្រាប់មនុស្សគ្រប់គ្នា។ មនុស្សរាប់លាននាក់នៅជុំវិញពិភពលោកបច្ចុប្បន្ននេះបានទទួលការចាក់វ៉ាក់សាំងដោយសុវត្ថិភាព។ នៅពេលអ្នកបានចាក់វ៉ាក់សាំង គ្រូពេទ្យតាមដានយ៉ាងដិតដល់នូវផលប៉ះពាល់ដែលកម្រ និងមិនរំពឹងទុក។ មិនមានភស្តុតាងដែលថាវ៉ាក់សាំងប៉ះពាល់ដល់សមត្ថភាពរបស់អ្នកក្នុងការមានកូននោះទេ។ សរុបមក ហានិភ័យនៃជំងឺ COVID-19 គឺធ្ងន់ធ្ងរជាងហានិភ័យនៃវ៉ាក់សាំង។
ការចម្ងល់អំពីវ៉ាក់សាំង COVID-19 មិនអីទេ។
